Дали Македонија ќе учествува на „Песна на Евровизија 2018“?

Иако во изминатите години на „Евровизија“ имавме многу слаби резултати што се должи на погрешниот избор на песните но и пејачи – каде треба да се испраќаат изведувачи кои ќе треба да умеат во живо да ја донесат песната – или застарени или песни по клише, учеството на „Песна на Евровизија“ треба да се гледа од еден друг аспект. Тоа е одличен начин за рекламирање на својата држава, не само од страна на изведувачите туку преку промотивните активности на претставникот кои најчесто траат со месеци, присуството пак во Лисабон и македонската вечер која традиционално се организира е можност за дополнителна реклама на туристичките капацитети на Македонија.И, учеството на Евровизија треба повеќе да го гледаме од тој аспект каде Туристичката заедница треба да се покаже во потполно светло како и македонскиот амбасдор во Португалија.