Каратистите на „Макпетрол“ ќе учествуваат на светската младинска лига во Шпанија

Витомир Трајковски и Стефан Стојановиќ, како највисоко рангирани каратисти од Македонија, ќе се натпреваруваат на турнирот од светската младинска лига во Шпанија. Постарите јуниори (У21) и членови на скопски „Макпетрол“ во Ла Коруња ќе бидат предводени од тренерот Петар Заборски. Трајковски (-84 кг.) и Стојановиќ (+84 кг.) викендов се вратија од Европскиот Шампионат во Хрватска.

На собирот од светската младинска карате лига во Шпанија, што ќе се одржи од 16 до 19 мај, ќе учествуваат 3,032 спортисти од 76 држави. Најдобрите македонски репрезентативци и освојувачи на европски и светски медали, Трајковски и Стојановиќ, ќе бидат дел од силниот турнир во Ла Коруња. Нивната цел е да ја задржат или да ја подобрат својата позиција на светската ранг листа на WKF (Светската карате федерација).  


Моментно, како и изминативе две години, Витомир Трајковски е прворангиран на светската ранг листа во категоријата под 84 килограми. На глобалното рангирање на WKF, во категоријата над 84 килограми, Стефан Стојановиќ е на втората позиција.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Денес се празнува Светиот свештеномаченик Доротеј

Епископ Тирски од времето на Диоклецијан па се до времето на Јулијан Отстапник, кога беше …