(ВИДЕО) Брус Вилис со својот блуз-бенд доаѓа во Скопје!?

Брус Вилис можно е да дојде во Скопје, но како музичар со неговиот бенд, соопштија од концертната агенција и продукција „3Гонга“.

Познатиот холивудски актер Брус Вилис можно е да дојде во Скопје, но како музичар со неговиот бенд, соопштија од концертната агенција и продукција „3Гонга“. Продукцијата во соработка со ноќниот клуб „Станица 26“ започнува со концертни настапи на звучни и препознатливи џез и блуз-музичари не само од земјава, туку и светски етаблирани.


На 11. октомври со почеток во 22. часот настапува македонскиот гитарист, текстописец и продуцент Дамир Пух, а следната вечер е закажан настап на американскиот гитарски феномен Ерик Геилс.
Периодов агенцијата е во активна комуникација со концертни менаџери од светската сцена.
„Преговараме да го донесеме Брус Вилис во Скопје, во моментов е на турнеја со својот блуз-бенд, тој свири одлично саксофон, а со музика се занимавал пред да стане она што е денес. Преговараме со Фред Весли, кој е дел од легендарната група „Д ЏејБис“ каде што беше заедно со Џејмс Браун и Мејсио Паркер. Преговорите се во тек, да се надеваме дека овие големи ѕвезди, Скопје ќе ги доживее“ изјави долгогодишниот музикофил Александар Пејчиновски – Пејчи.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Саемот на книга 2024 со парична донација од секоја редовна влезница и по 100 книги за СОС Детско село и ДУЦОР Партенија Зографски

Во чест на 23 април, Светскиот ден на книгата, на 36. издание на Саемот на …