Нашата популарна актерка Тања Кочовска стана баба. Имено, нејзиниот син Александар и снаата Моника добија син кој ќе се вика Јоаким.
Тања објави слика како лежи пред болницата „Аџибаден Систина“, од среќа што нејзиниот син има потомок, а на другата слика таа е во костум од претстава. Тања се во животот прави на оригинален начин, па и веста дека стана баба ја соопшти така.
„Да бе дааа, баба. И Предраг дедо, Јоаким се роди“, напиша Тања на Фејсбук, и објави две многу интересни слики од неа.
Александар е син од првиот брак на Тања Кочовска со актерот Владимир Ендровски – Љац. Таа во интервју за „Репортер“ раскажа за односот на синот со ќерката Нела, која ја има од вториот брак со актерот Предраг Павловски. Нела е исто така успешна млада актерка.
Тања во февруари објави дека нејзиниот син, Александар Ендровски се оженил со неговата избраничка Моника Саздовска. Таа до сликата од младенците напишала шеговит коментар: Да бе да, бидна!
Фото: Принтскрин/Facebook