Досега се потврдени околу 80. случаи на мајмунски сипаници во 11. земји, соопшти Светската здравствена организација, додавајќи дека се истражуваат уште 50. сомнителни случаи.
Претходно, случаи на таа инфекција беа потврдени во Италија, Шведска, Шпанија, Португалија, САД, Канада и Велика Британија, каде беше забележан првиот случај во Европа.
Мајмунските сипаници се најчести во оддалечените делови на Централна и Западна Африка, а според Британската национална здравствена служба, тоа е ретка вирусна инфекција која обично е блага и од која повеќето луѓе се опоравуваат за неколку недели.
Вирусот не се шири лесно меѓу луѓето.
Директорот на СЗО загрижен, еве што знаеме за болеста што го исплаши светот
Ханс Клуге, регионалниот директор на Светската здравствена организација за Европа, изјави дека е загрижен оти ширењето на мајмунските сипаници може да се забрза во регионот, бидејќи луѓето се собираат на забави и фестивали во текот на летните месеци.
– Како што влегуваме во летната сезона во европскиот регион, со масовни собири, фестивали и забави, загрижен сум дека може да се забрза преносот, бидејќи моментално се откриваат случаи кај сексуално активните луѓе, а симптомите се непознати за многумина – навел Клуге во соопштението.
Што се мајмунски сипаници?
Мајмунските сипаници се ист член на семејството како и малите сипаници. Тие се помалку заразни од сипаниците и предизвикуваат помалку случаи на тешка болест.
Мајмунските сипаници се вирус кој предизвикува симптоми на треска, како и карактеристичен грутчест осип. Обично е благ, иако има два главни соеви – конго и западноафрикански сој.
Видот Конго е потешка форма и има стапка на смртност од десет проценти, додека во Западна Африка е поблага варијанта, со стапка на смртност од еден процент.
Вирусот се шири со близок контакт, како преку животните, така и, поретко, меѓу луѓето. За прв пат беше пронајден кај мајмуните во 1958. година, па оттука и името, иако глодарите сега се сметаат за главни животни кои се домаќини на вирусот.
Преносот на мали сипаници во моментов ги збунува експертите, бидејќи голем број случаи во Обединетото Кралство – девет од 18. мај – немаат никакви познати меѓусебни односи. Само првиот случај, пријавен на 6. мај, неодамна отпатувал во Нигерија.
Експертите предупредија на поширок пренос доколку случаите останат непријавени.