На денешен ден е роден нашиот поранешен фудбалер Горан Мазнов

Горан Мазнов е роден во Струмица на 22 април 1981 година. Кариерата ја започнал во македонскиот клуб Слога Југомагнат. На 18 години дебитираше во националниот шампионат. Во текот на двете сезони во клубот го освои македонскиот шампионат и националниот куп на Македонија.

Во летото 2001 година, тој потпиша договор со Спартак Москва. Горан не успеа да се зацврсти во црвено-белиот тим и во 2002 година фудбалерот беше позајмен во Торпедо-ЗИЛ. Дебито на Мазнов за новиот клуб се случи на 13 март 2002 година во натпреварот против Московски Торпедо.

Во 2003 година потпиша договор со фудбалскиот клуб Балтика. Во својата дебитантска сезона во тимот од Калининград, Горан одигра 26 натпревари и постигна 7 гола. Во сезоната 2004 Балтика испадна во Втората лига, по што Мазнов се врати во татковината.

Во 2005 година играше за фудбалскиот клуб Работнички, одигра 12 натпревари и постигна 6 голови, а стана и државен првак и стигна до квалификациското коло во Лигата на шампионите.

Сезоната 2005-2006 година ја помина во турскиот Дијарбакирспор. Одигра 30 натпревари и постигна 3 гола. Сезоната 2006/07 ја помина во фудбалскиот клуб Локерен, каде одигра 23 натпревари и постигна 2 гола.

Во 2007 година се враќа во Русија каде потпиша договор со клубот од Томск. За клубот одигра 76 натпревари и постигна 16 голови. Два пати постигна хет-трик против Рубин и Химки. Во 2011 година потпиша договор со грчкиот клуб Керкира. За грчкиот клуб одигра 23 натпревари и постигна 3 гола.

Во 2012 година Горан се вратил во Македонија и потпишал договор со фудбалскиот клуб Металург од Скопје, а во 2013 година се преселил во фудбалскиот клуб Шкендија. Во 2014 година ја завршува својата фудбалска кариера.

Тој го имал своето сениорско деби за репрезентацијата на Македонија во јули 2001 година на пријателскиот натпревар против Катар. За Македонијаи има одиграно вкупно 45 натпревари, постигнувајќи 10 гола. Неговиот последен репрезентативен натпревар бил во јуни 2009 година за време на квалификациите за Светското првенство 2010 против Норвешка во Скопје.

Среќен роденден Горан, ти посакува редакцијата на Екран.