ekran платформа за слободоумни
Под слоганот „Години будни”, организацијата Tiiiit.Inc. оваа година го најави 10-тото издание на единствениот феминистички фестивал во нашата земја, ПРВО ПА ЖЕНСКО.
Оваа година, освен што фестивалот го отсликува десетгодишното активно дејствување во културата и активизмот, исто така гради и паралела и со феминистичкото и женско движење на овие простори години наназад. ПРВО ПА ЖЕНСКО потсетува на истрајноста на феминистичкото движење и ја потврдува неговата феминистичка визија за слобода и трансформирачка моќ за оние на маргините.
Јубилејното издание е поделено на два дела: пролетно будење кое во фокус го става хуморот и сатирата и есенската програмата е исполнета со богата визуелна програма за сечии будни очи.
По успешниот настан ПичПрич одржан на 13-ти Мај во Македонската филхармонија, најавени се повеќе настани, меѓу кои: прво феминистичко стен-ап шоу со Софија Ристевска, Ангела Стојановска и Борис Геј, работилница за деца со Селма Селман, театарски перформанс на Оља Грубиќ како и настан во рамки на Скопски викенд на гордоста.
Целосната програма и настанот можете да ги најдете на овој ЛИНК.
