ekran платформа за слободоумни
„Две цели години бев изолиран во куќата каде што сум роден и израснат … Но, јас упорен и убеден сум дека сега ќе го победиме и овој коронавирус, само треба да се држиме заедно. Бог да ве благослови“, им порачал Том на своите многу обожаватели во тоа време.
Поминале четири години откако Том ја загубил сопругата Линда. Нејзината смрт го скршила и се преиспитувал дали тој направил сè што можел за да ја спаси. Џонс мисли дека можел да ја однесе на лекар порано, за да може да ја откријат болеста што ја чинела живот – рак на белите дробови. На таквото размислување делумно го поттикнале стиховите на нивната омилена песна „What Good Am I?” од Боб Дилан.
„Песната е за личност која не гледа што навистина се случува и по нејзината смрт таа добила ново значење. Слушав стихови и се прашував дали сум делумно виновен? Што можев да направам?“, открил Том Џонс,кому пеењето му помогнало да ја надмине трагедијата.
