(ФОТО) ПОСЛЕ 10 ГОДИНИ – Холивудскиот заводник се враќа на актерството, откако за улогата се трансформирал до непрепознатливост

Актерот Брендан Фрејзер, најпознат по улогите во филмовите „Мумија“, „Џорџ од џунглата“ и „Патување до центарот на земјата“, се врати на актерството по десетгодишна пауза.
Во новиот филм на Дарен Аронофски „The Whale Man“, Брендан глуми човек тежок 270. килограми, а на интернет се појавија првите фотографии од неговата неверојатна трансформација.

Darren Aronofskyʼs 'THE WHALE', starring Brendan Fraser and Sadie Sink, will screen at the Toronto Film Festival in September. pic.twitter.com/BXYAzyxZ7d

— DiscussingFilm (@DiscussingFilm) July 28, 2022

Брендан глуми човек кој се бори со дебелината и се обидува повторно да се поврзе со својата 17-годишна ќерка. Премиерата на филмот ќе се одржи на овогодинешниот филмски фестивал во Венеција, а во филмот играат и Сејди Синк од популарната серија „Stranger Things“, Хонг Чау, Саманта Мортон и Тај Симпкинс.
„Ќе биде нешто што никогаш не сте го виделе досега. Тоа е навистина сè што можам да ви кажам. Гардеробата и костимот беа беспрекорни, масивни. Ова секако е многу различно од сè што сум направил, но да не бидам срамежлив, знам дека ќе остави траен впечаток“, изјавил актерот минатата година.
Поради улогата за која се здебелил десетици килограми, многумина на Брендан му предвидуваат Оскар.

EVERYONE STOP WHAT THE FUCK THEYRE DOING!!!!! OUR FIRST PHOTO OF FUTURE OSCAR WINNER BRENDAN FRASER IN THE WHALE BABYYYYYYY!!!!!!? https://t.co/5CI9NcpVV4

— Adriano Superpets Caporusso 🔜 TIFF22 (@AdriCaporusso) July 26, 2022

Потсетуваме, Фрејзер во 2018. година изјави дека Холивуд го ставил на „црната листа“, тврдејќи дека поранешниот претседател на Здружението на странски новинари во Холивуд сексуално го нападнал.
Тој тврдел дека Филип Берк од HFPA го нападнал во хотелот Беверли Хилс во 2003. година и дека наводниот инцидент му предизвикал депресија.

Фото: Принтскрин/YouTube