(ВИДЕО+ФОТО) ОДРЖАНА ЖДРЕПКА ЗА ОИ – Тениски класик во најава: Ѓоковиќ и Надал би можеле да играат во 2. коло во Париз

Шпанецот во првото коло игра против Унгарецот Мартон Фучовиќ, додека прв противник на Новак е Метју Ебден
Се одржа ждрепката за тенискиот турнир на Олимписките игри во Париз и Новак Ѓоковиќ ги дозна своите ривали, а веќе во 2. коло можеме да бидеме сведоци на спектакл.
Српскиот тенисер во првото коло ќе игра против Метју Ебден, а потоа, доколку помине, Новак би можел да одигра класика против Рафаел Надал во второто коло.

 

View this post on Instagram

 

A post shared by Novak Djokovic (@djokernole)

Шпанецот во првото коло игра против Унгарецот Мартон Фучовиќ.

 

View this post on Instagram

 

A post shared by Carlos Alcaraz Garfia (@carlitosalcarazz)

Доколку дојде до 3. коло, потенцијален ривал на Новак би можел да биде Артур Филс, а Циципас или Баез се најдобропласираните играчи кои би можеле да му застанат на патот во четвртфиналето.
На негова страна на ждрепката се Александар Зверев, Тејлор Фриц и Лоренцо Музети, кои се негови потенцијални ривали во полуфиналето.
Од другата страна на ждрепката, не е полесно да се стигне до финалето. Таму се Карлос Алкараз, Данил Медведев и Каспер Руд.
Тенискиот турнир започнува ден по официјалното отворање, на 27 јули, а ќе трае до 4 август за кога е закажана борбата за златниот медал.
Натпреварите ќе се играат на терените на Ролан Гарос и ќе започнуваат секој ден во 12 часот, а вреди да се напомене дека ќе се играат во два победнички сета.

Фото: Принтскрин/Instagram