До пред некоја година ги гледавме во филмови а сега се дел од нашето секојдневие. Бездомници и луѓе кои просат за да го преживеат денот се дел од нашето секојдневие, а оваа глетка од Белград никого не остава рамнодушен…
Девојче клекнува покрај баба, која проси на Кнез Михајлова во Белград, тие зборуваат извесно време, а потоа следи топла прегратка. Настанот е евидентиран со фотографии од страна на Владимир Чех, кој случајно поминал во моментот.
Авторот на фотографиите Владимир Чех, се шетал по главната градска улица и ја видел потресната глетка.
„Го видов девојчето како клечи и разговара со бабата. Кога се прегрнаа, срцето ми се стегна. Не сакав да ги вознемирам и да им пристапам, само ги фотографирав. Инаку, бабата која проси е речиси секој ден овде, недалеку од Српската академија на науки и уметности“, напишал Владимир.
Иако не се знае за што разговарале, едно е сигурно, таквите гестови ја враќаат верата во луѓето.
Се проценува дека во Белград живеат повеќе од 2.000 бездомници.