(ВИДЕО) ДНК анализата открива : Момчето кое тврдело дека било исчезнатото е голема измама!

По појавувањето на момчето на улица во Њупорт кое тврдело дека е исчезнатиот Тимоти Пицен од 2011. година семејството проживува уште еден шок. Американските власти соопштија дека ДНК-анализите го побиле тврдењето на тинејџерот што вчера се појави во Њупорт, Кентаки, и тврдел дека е момчето Тимоти од Илиноис, кое исчезнало во 2011. година на возраст од 6. години.

ФБИ соопштила дека ДНК тестирањето открило дека тинејџерот не е Тимоти Пицен, исчезнат од Аурора, Илиноис.

Тинејџерот ѝ рекол на полицијата дека е Тимоти и дека избегал од двајца киднапери.

Властите соопштиле дека лицето всушност е 23.годишен маж од Охајо.

ЕКРАН за овој случај пишуваше утрово, а во ОВАА ВЕСТ можете да ги прочитате сите детали за овој случај.

Шефот на полицијата во Њупорт, Том Колинс, изјавил дека лицето е Брајан Рини од Медина во североисточно Охајо.

Евиденцијата од државниот затвор покажала дека маж со тоа име бил ослободен од затворот на 7. март, откако отслужувал казна за провална кражба и вандализам.

Човек со тоа име, исто така, се изјаснил за виновен за обвиненија за кражба во јануари 2018. година и користење фалсификувани чекови во декември 2015. година, според записите на окружниот суд на Медина. Истиот човек повеќе пати е пријавен во Општинскиот суд Медина, поради возење без валидна дозвола, неуредно однесување и кражба.

Семејството на момчето од Илиноис што исчезнало во 2011. година вели дека се очајни откако полицијата утврдила дека лицето што тврди дека е Тимоти Пицен очигледно мамело.

Кара Џејкобс во четвртокот изјавила, за новинарите, дека дознавањето дека нејзиниот внук не е пронајден е „како повторно да го преживува денот“ кога исчезнал. Андерсон, исто така, рече дека неговиот татко, Џејмс Пицен, „пак е уништен“.

Тимоти Пицен исчезнал кога неговата мајка се самоубила откако оставила белешка дека нејзиниот 6.годишен син е добро, но дека никој никогаш нема да го најде.