ekran платформа за слободоумни
Продолжува богатата програма на првото издание на фестивалот за литература и општа култура, „ВИДИК“, во организација на „Литература.мк“.
Денес, со почеток во 19:00 часот во книжарницата на „Литература.мк“ во „Сити мол“, ќе се одржи тематскиот интерактивен настан за фанови, во чест на денот на раѓањето на славниот шкотски писател сер Артур Конан Дојл (22 мај 1859 – 7 јули 1930), автор на серијалот за славниот детектив Шерлок Холмс.
На настанот ќе бидат претставени едицијата „Шерлок Холмс“ во издание на „Арс Ламина“, во која се застапени девет новопреведени наслови со нов дизајн на корици од илустраторката Александра Софрониевска, која ќе биде дел од настанот.
Исто така, ќе биде претставен и серијалот „Шерлок Холмс за деца“ – со десет книги за генијалниот детектив, адаптирани за најмладите читатели.
