(ВИДЕО+ФОТО) Израелката, после настапот, паднала по скалите!

„Горда сум и трогната што успеав да влезам во финалето. И’ се радувам на саботата и ветувам дека се’ ќе направам да го донесам Евросонгот во Израел“ рекла Нета Барзилаи откако се пласирала во финалето…
Израелската претставничка Нета Барзили (25) е еден од фаворитите на публиката на годинешниот Евросонг, а симпатиите ги освоила со комбинацијата на пеењето битбоксинг и „кокодакање“. Барзилаи на првото полуфинале со песната „Toy“ се пласирала во финалето, но кога после настапот, со танчерите и остатокот од екипата се симнувала се лизнала на скалите.

Израелката била пресреќна после добрите вести и им мавтала на бројните обожаватели во „Алтик Арената“ во Лисабон. Но, во еден момент го „загубила тлото под нозете“ и само се лизнала по скалите и покрај тоа што се обидувала да ја задржи рамнотежата фаќајќи се за држачот.

За среќа, никого „не собрала со себе“, а кога паднала ја дочекал нејзиниот тим и и’ помогнал да стане. Нета на нозете имала патики со штикла како и нејзините танчерки и облекла хеланки и кус фустан а се чинело дека после паѓањето малку накривнува. Позитивно е што Израелката не танцува за време на изведбата на својата песна за Евросонг па незгодата нема да влијае на нејзиниот настап во финалето на Евросонг во сабота.

„Горда сум и трогната што успеав да влезам во финалето. И се радувам на саботата и ветувам дека се’ ќе направам да го донесам Евросонгот во Израел“ рекла Нета.Нејзините фанови велат дека песната „Toy“ е забавна, женска и покажува самодоверба.
Песната ја напишале музичарот Став Бегер и Дорон Медали, автор на песните „Golden Boy“ и „Made of Stars“ со кои Израел се претставил на Евросонг во 2015. и 2016. година. Синглот е скоро потполно на англиски јазик со неколку фрази на хебрејски јазик.