Документарниот филм за животот на легендарниот музичар Дејвид Боуви наскоро ќе ја доживее својата премиера.
Документарецот со наслов “David Bowie: The Last Five Years” ќе прикаже архивски снимки и интервјуа на музичарот од изминатите 50. години кои досега не биле прикажани во јавноста.
Филмот ќе биде прикажан на денот на неговиот 71. роденден, а документирани се моментите од последните години од неговиот живот како и борбата со ракот на црниот дроб.
Боуви беше еден и единствен, генијален додека создаваше музика, а во својата последна песна “Лазарус” откри како се борел со тешката болест, која се обидувал да ја скрие од јавноста. Тој во спотот за новата песна лежи во болнички кревет пеејќи “погледнете горе, јас сум во рајот”.
Дејвид Боуви почина на 10. јануари минатата година, неколку дена пред
објавувањето на последниот албум. Документарниот филм ќе биде премиерно
прикажан во сабота вечер на 7. јануари на Би Би Си 2.