И покрај тоа што шпанскиот четврт-финалист Толедо загубил дома со 4:1 од Пуертолан, тој резултат бил засенет од специјално запросување.
Фудбалерот Рубен Морено пред сите го запросила неговата долгогодишна девојка Клаудија, која се спуштила на тревникот, клекнала пред него и му го покажала прстенот.
Морено не можел да ги задржи солзите, а кога дошол при себе, на Клаудија и рекол „да“.
Тој и Клаудија се во врска долго време, а имаат и син, кој бил сведок на запросувањето на тревникот.
Морено игра како напаѓач и веќе три години игра за ЦД Толедо, кој се натпреварува во четвртата шпанска лига.
Фото: CD Toledo