Метро станицата Мајаковска дефинитивно се здоби со репутација како најубава во Москва.
Станицата Мајаковска се наоѓа 33. метри под земја и претставувала еден вид експеримент. За да се изгради толку длабоко под земја, се користеле аеронаутички инженерски техники, а тоа било и засолниште за Јосиф Сталин.
Во 1935. година, архитектот С. Кравец направил експериментален проект на метро станица длабоко под земја. Изградбата наскоро започнала, но инженерите не ги земале предвид сложените геолошки аспекти, па таванот на станицата започнал да пука. Потоа службениците свикаа комитет, во кој членувал архитектот А. Душкин. Тој значително го сменил проектот и ја презел улогата на главен архитект на станицата. За прв пат во историјата, бетонските носачи биле заменети со метални, а наместо тешки носачи, се добиле нешто поелегантни столбови. Софистицираните заоблени метални елементи кои во голема мера придонеле за естетиката на станицата, ги направил аеронаутички инженер.
Станицата „Мајаковска“ е отворена на 11. септември 1938. година, како дел од втората етапа на московското метро. Во сводот на централниот брод, има 34. овални ниши со осветлување и 34. мозаици. Иако е дизајнирана во ерата на стилот на Сталин, оваа станица изгледа доволно авангардно за да се смета за пример на Арт Деко.
Проектот освоил Гран при на Светскиот саем во Њујорк во 1939. година.
За време на Втората светска војна се користела како засолниште за населението, но Јозеф Сталин во него најде и засолниште од бомби. Всушност, на годишнината од Октомвриската револуција во 1941. година, Сталин одржал говор пред голем број партиски лидери и собрани граѓани.
Во самата станица има и биста на поетот Владимир Мајаковски. Неговата песна „Московско небо“ била инспирација за украсување на таванот.
Метро-станицата Мајаковска е оддалечена околу 2,3 километри од Црвениот плоштад и Кремљ.