Манекенката Сара Стејџ денови ја делат од породувањето, но гледајќи ја тоа никогаш не би можеле да го заклучите. Терминот и е на 22. октомври, но сите кои ги виделе нејзините фотографии се шокирани од нејзиниот изглед. Сара, која е познат фитнес модел со 2,3 милиони следбеници, има навистина малечок труднички стомак, а многумина мислат дека со својот „неприроден“ изглед во бременоста ќе му наштети на бебето.
„Дефинитивно не би сакала вака да изгледам во деветтиот месец на бременост, ужасно е. Не би ја напуштала лекарската ординација, би барала ултразвук на една недела како и мерење да се убедам дека се’ е во ред со бебето. Носам живо битие, а не парче леб“ напишала една жена под фотографиите на Сара.
Сара се обидела да ги убеди фановите дека се храни здраво и дека нејзиното тело едноставно нема изразен труднички стомак.
„Нашите тела се способни за повеќе отколку што мислиме. Сите би требало да знаат дека секое тело е поинакво и таа различост треба да се почитува“ напишала Сара.
Ова и е втора бременост, а во првата поради својот изглед го добила прекарот “најсекси мама на светот“. Иако и’ тогаш и пишувале дека поради својот изглед ќе роди болно дете, нејзиниот син е роден здрав и неодамна наполнил две години.