ekran платформа за слободоумни
Принцот Хари и неговата сопруга Меган, наводно, сакаат да се сретнат со кралицата Елизабета, пренесува Page Six.
Извор близок до парот изјави за The Sun дека тие побарале средба со кралицата и се надеваат дека ќе дојдат во Виндзор заедно со нивната ќерка Лилибет, за да се сретнат со Елизабета.
Но, изворот тврди дека нивното барање да се сретнат со кралицата ги оставило вработените во палатата во шок.
„Луѓето се шокирани. Можеби Меган и Хари навистина би сакале да ја видат кралицата, но тоа е чудно по се што се случи оваа година”, рекол тој.
Странските медиуми пишуваат дека палатата се уште не одговорила на барањето на Хари и Меган, но дека кралицата многу би сакала да ги види Лилибет и нејзиниот брат Арчи.
„Но, луѓето од палатата се многу изненадени од овој потег, особено поради Меган“, заклучил изворот.
За потсетување, Хари и Меган и го дадоа првото големо телевизиско интервју на Опра Винфри во март откако ја донесоа одлуката да ја напуштат Велика Британија и нивните улоги во кралското семејство пред повеќе од една година.
Двојката тогаш упати некои обвинувања против кралското семејство, а изјавата дека некои членови на кралското семејство се загрижени за бојата на кожата на нивниот син Арчи одекна во јавноста.
Фото: Принтскрин/Instagram
