ekran платформа за слободоумни
КРАЛИЦА Елизабета одлучила дека на погребот на принцот Филип нејзините внуци Хари и Вилијам нема да одат едн покрај друг.
На последното збогување со нивниот дедо, кое ќе се случи оваа сабота со почеток во 15. часот во капелата Сент Џорџ во Виндзор, нивниот братучед Питер Филипс ќе застане меѓу нив. Питер е најстариот внук на кралицата Елизабета и принцот Филип, син на принцезата Ана. Принцовите нема да седат заедно ниту во капелата, туку Вилијам ќе влезе прв.
Оваа необична одлука, многумина, според „Daily Mail“, се толкува како пропуштена можност да се покаже како семејството било обединето во моментот на трагедијата, додека други сметале дека принцовите самите сакаат да ги разделат.
View this post on Instagram
„Ова е погреб и не сакаме да се претвори во дополнителна драма. Одлуката е донесена и ги одразува желбите на нејзиното височество”, рекол портпаролот на Бакингемската палата.
Кралскиот биограф Уго Викерс верува дека Филипс е намерно избран да застане меѓу браќата со цел да им помогне повторно да се зближат.
„Питер Филипс одлично се снајде со принцовите по смртта на Дијана, па мислам дека и сега би можел добро да се покаже“, рекол тој.
Фото: Принтскрин/Instagram
