Јапонската принцеза Мако, внука на царот Нарухито, планира да се омажи за своето долгогодишно момче Кеи Комура до крајот на оваа година и планира да одбие исплата од 1,3 милиони долари од јапонската влада, пишува The Times.
Јапонската влада традиционално им плаќа на жените кои го губат својот кралски статус кога ќе се венчаат. Принцезата Мако ќе се откаже од кралските титули за да се омажи за Комура, бидејќи законот во Јапонија бара принцезата да го напушти царското семејство откако ќе се омажи за обичен грашанин од народот.
The Timesисто така пишува дека принцезата планира да се пресели во Соединетите држави, каде нејзиниот иден сопруг има намера да работи во адвокатска фирма во Њујорк.
Двојката се запознала за време на студиска забава во ресторан во Токио. И двајцата во тоа време биле студенти на Меѓународниот христијански универзитет во Токио.
„Прво ме привлече неговата светла насмевка“, рекла Мако во една прилика. Тие се верија во 2013. година, по неколкугодишна врска на далечина. Имено, Мако помина извесно време на студии во Велика Британија.
Фото: Принтскрин/Instagram