ekran платформа за слободоумни
Сладоледите за многумина се сладок порок од кого не можат да се откажат, особено преку лето. Некогаш не ни е доволен само еден дневно иако сме свесни дека калориски може да замени појадок или вечера.
За негова подготовка, поради кремозност, главно се користи грчки тип на јогурт, а за овој е употребен токму таков. Дукатос Дивајн тофи и парчиња карамел има 5% маснотија и само 137 калории, а освен слатката киселост е многу сличен на крем млечните сладоледи.
Еве како да подготвите крем сладолед со само три состојки во кој ќе уживате без грижа на совест.
Рецепт за сладолед со кикирики и карамел
Состојки за 6. сладоледи:
3 Дукатос Дивајн јогурти со парчиња карамел
2 лажици мелени кикирики
6 реда млечно чоколадо
Подготовка:
1. Кикириките излупете ги или веќе купени несолени кикирики истолчете или иситнете во ќесе. Три реда чоколадо ситно исечкајте. Остатокот чоколадо ќе ви послужи како декорација.
2. Сечканото чоколадо и поголемиот дел кикирики измешајте ги во јогуртот. Смесата распоредете ја во клапите за сладолед и префрлете во замрзнувач на четири часа.
3. Истопете го остатокот чоколадо и малку изладете. Сладоледите извадете ги од калапите и натопете во чоколадото и наросете со кикирики.
Послужете веднаш или вратете во замрзнувач.
