(ВИДЕО+ФОТО) Капачите се преплашиле кога виделе што допливало на плажата

Плажите во јужноафриканскиот град Дурбан се затворени поради коронавирус, а храбрите пливачи се преплашиле од неочекуван посетител. На плажата е снимена црна мамба долга два и пол метри, една од најпознатите отровни змии во светот.
Снимките се споделиле на социјалните медиуми, а на нив се гледа змијата што се бори против брановите. На местото на настанот дошле членови на Институтот за истражување на морињата, и како што рекле, биле доста скептични кога граѓаните ги повикале бидејќи штом некој во таа земја ќе види голема црна змија, мисли дека гледа во црна мамба.

Сепак, кога пристигнале на плажата, биле поздравени од црната мамба долга 2,47 метри.
“Таа беше толку исцрпена, што едвај нè виде. Ја фативме без проблем и за среќа таа остана мирна додека ја префрливме назад во нашите простории за да утврдиме во каква состојба се наоѓа”, велат од институтот.