ekran платформа за слободоумни
Сите вистински обожаватели на рок музиката ќе бидат воодушевени со првата најава за филмот за еден од најпознатите рок бендови на сите времиња, групата „Квин“.Фреди ни се вратил…
‘Bohemian Rhapsody’ е епска приказна за легендарниот бенд „Квин“ и пејачката легенда Фреди Меркјури – човекот кој верувал во себе и својата музика кога никој друг не, спротивставувјќи се на сите стереотипи и кршејќи ги сите правила за да стане една од најголемите музички икони на сите времиња.
‘Bohemian Rhapsody’ е приказна за љубовта, болката, прифаќањето и да, одличната музика. Славењето на талентот на Фреди и легендарниот рок бенд, кој со својата музика и чувството за авантура и специфични настапи ги прекршил сите правила на тогашната сцена.
Британската музичка легенда ќе ја игра Реми Малек, американски глумец со египетско потекло кој неверојатно личи на Фреди. Гвилим Ли го игра гитаристот Брајан Меј, Бен Харди е во улогата на тапанарот Роџер Тејлор, а Џосеф Мацело настапува како басистот Џон Дикон. Мери Остин, жената за кој Фреди тврдел дека е „љубов на неговиот живот“ ја игра Луси Бојтон, а во филмот ќе се појави и Мајк Маерс.
Режисер на филмот е Декстер Флечер, а сценариото го потпишуваат Ентони МекКарен, познат по сценаријата за филмот „Теорија на се“ и Џастин Хејт, „Црвениот врабец“.
Веруваме дека сите обожаватели со нетрпение го очекуваат ова ремек дело и го одбројуават времето до ноември за кога филмот е планиран во домашните кино сали.
