ekran платформа за слободоумни
Лето, сонце – топлите денови и убавото време ни нудат совршена можност да ја опремиме нашата гардероба со воздушести фустани,разиграни здолништа и нежни маици или блузи. Се разбира, со боите можеме да експериментираме, повеќе од вообичаено. За да добиеме инспирација за бојата, оваа година ќе погледнеме кон Франција. Имено, француските жени, ова лето,претпочитаат сосема необична нијанса…
Ова лето, француските жени се инспирирани од бојата на сонцето, односно носат парчиња облека во нежен жолт тон. Жолтата боја носи пријатна свежина на нашиот изглед, дури и кога некои денови се облачни или дождливи.
За да може жолтата боја да дојде до израз и на нашиот изглед да му даде летна нота, жолтите парчиња облека треба да бидат изработени од воздушести и лесни материјали. Можете да комбинирате жолта со бела, беж, сина или со нежни крем тонови. Покрај тоа, облечете едноставни убави сандали или бели патики и сето тоа зачинете го со шик торба и вашиот летен изглед е подготвен!
