ekran платформа за слободоумни
Бившиот фудбалер проговорил за своите деца и односот со сопругот Викторија.
Некогашниот фудбалер Дејвид Бекам во последното телевизиско интервју зборувал за тоа како тој и Викторија ги одгледуваат своите четири деца и открил детали од нивниот живот.
Бекам, кој со Викторија е во Австралија за да ги поддржи Инвиктус игрите, спортски настан на кој се натпреваруваат повредените воени ветерани и ветеранки, а кој го основал принцот Хари. Бекам тогаш рекол дека е „одгледан да го сака кралското семејство“.
Со оглед на тоа дека пред интервјуто се појавила неговата изјава дека „бракот е секогаш тешка работа“, сега таа реченица добила и свој контекст, откако било објавено целото интервју.
Бекам многу зборувал за семејството – сопругата Викторија и нивните четири деца – Бруклин (19), Ромео (16), Круз (13) и Харпер (7).
„Децата секогаш сакаат да минат повеќе време со нас, а ние многу работиме и мислиме дека тоа е исправен начин да ги воспитуваме своите деца. Да им покажеме и докажеме дека мораш напорно да работиш за да бидеш успешен“, рекол и додал дека со најмладата Харпер е најмногу попустлив поради што синовите и Викторија го задевале, како и дека ќерката е единствена која сака да игра фудбал.
Бекам вели дека секое утро ги води децата во училиште, а барем три пати неделно со Харпер оди на прошетка или се возат со велосипед до школото.
Гордо говорел за кариерата на својата сопруга и недамнешното интервју за британски Vogue. На некои фотографии е само Викторија со нивните деца па повторно биле поттикнати трачевите дека двојката се разведува.
„Веќе долго сме во брак и неодамна ги правевме тие снимања за Vogue, фокусот беше на десет години нејзина кариера во модата. Толку многу успеа да направи во така малку време, и сето тоа со нашите прекрасни деца. Во нејзината индустрија насловната за Vogue е голема работа. Некои фотографии направивме заедно, некои одвоено. Бракот е секогаш тешка работа и бара многу тешка работа. Сите тоа го знаат. Но, се трудиш се да функционира. И двајцата многу патуваме, често сме одвоено, но се трудиме“ рекол Дејвид.
Кога го прашале за што најмногу жали во животот се сетил на непријатен момент кога го запознал Нелсон Мендела а на главата имал плетенки исплетени на главата што денес би се сметало за културна апропријација.
