ekran платформа за слободоумни
САМО неколку часа по објавувањето на интервјуто на социјалните мрежи, се појави фотографија од Меган Маркл и Хари во семеен амбиент.
Фотографот Мисан Хариман, близок пријател на парот, објавил невидена фотографија од нивната градина. На црно-бела фотографија се гледа како Хари ја гушка Меган од позади, додека таа во рацете го држи нивниот син Арчи. Инаку, Хариман направи и фотографија со која Меган објави дека е повторно бремена.
View this post on Instagram
„Колку прекрасна вест за Меѓународниот ден на жената. Ви честитки, пријатели и Хари, добредојдовте во клубот на татковци на девојчиња”, напишал фотографот во описот на емотивната сцена што многумина сега ја споделуваат на социјалните мрежи.
За потсетување, парот во интервјуто за Опра Винфри открил дека очекуваат девојче кое треба да се роди ова лето.
Но, и Меган објави серија фотографии во кои ја велича улогата на мајката – во овој слуај нејзината но и на Хари.
View this post on Instagram
Првото големо интервју по напуштањето на кралските должности
Неделното интервју беше првото големо интервју на двојката откако се преселија од Велика Британија и ги напуштија кралските должности. Меган признала дека се соочила со самоубиствени мисли за време на нејзината бременост, а Хари рече дека неговиот татко, принцот Чарлс го изневерил.
Тие разговарале и за наводниот расизам во палатата. Меган рекла дека некои луѓе во кралското семејство биле загрижени за тоа „колку ќе биде темна кожата на Арчи кога ќе се роди“.
View this post on Instagram
Си-Би-Ес објави дека интервјуто привлекло најголема публика за некои посебни забави од телевизискиот пренос на Оскарите во февруари 2020 година. Интервјуто на Меган и Хари го следеле околу 17,1 милиони луѓе. Тоа беше исто така најгледаниот настан во неделата во ударен термин во повеќе од една година освен Супер Боул, објави Си-Би-Ес.
Бакингемската палата сè уште нема коментар за интервјуто, кое беше главна тема на дискусија следното утро на социјалните мрежи, во утринските телевизиски емисии и на насловите на весниците во Велика Британија и во странство.
Хаштагот #HarryiMeghankodOprah беше во првите пет трендови во светот на Твитер за време и по емитувањето на интервјуто.
Фото: Принтскрин/Instagram
