ekran платформа за слободоумни
Вечерва со почеток во 19:00 часот, во книжарницата на „Литература.мк“ на ул. „Македонија“, во рамките на фестивалот за литература и општа култура „Видик“, ќе се одржи промоцијата на книгата „Атакама“ од црногорскиот писател Никола Николиќ.
Промоторка: Румена Бужаровска
Модераторка: Оливера Ќорвезироска
„Атакама“ од црногорскиот писател Никола Николиќ, во издание на „Арс Ламина“, е збирка од 15 раскази, длабоко нурнати во современите појави и проблеми на нашето време. Николиќ ги осветлува темнините за кои обично се молчи, директно и крајно отворено. Иако се вика „Атакама“, како чилеанската пустина, збирката бескомпромисно го опфаќа црногорското милје, метафорично потпирајќи се на пустините и сушите во сите нас.
