ekran платформа за слободоумни
ЕДНА мајка на Редит раскажала за големата кавга што ја имала со нејзиниот сопруг, поради што тој на крајот го пропуштил раѓањето на нивното прво дете. Жената била толку навредена од тоа што и го кажал што го избркала од родилната сала и одбила да му дозволи да присуствува на породувањето.
„Бевме заедно во породилната сала, се беше во ред. Имав многу болки, а тој ми беше поддршка”, започнала 32-годишната мајка.
Акушерката тогаш невино ги прашала дали се возбудени додека бременоста се приближувала кон крајот.
„Реков да, бидејќи ми беше тешко. Мојот сопруг шмркаше и коментираше дека и нему му е многу тешко”, напишала таа.
Додека акушерката се обидувала да ја смени темата, жената го прашала сопругот што сакал да каже со тоа.
„Тој ми објасни дека е среќен што е готово и што неговата стара сопруга ќе се врати. Тој додаде дека дивеењето на хормоните конечно завршило. Ме повреди па го замолив да ја напушти собата. Тој одби да го стори тоа, па почнав да викам. Ме нарече к**ва и побегна“, додала таа.
Мажот не сакал да се врати по породувањето и да ја види ќерката. Објавата привлекла илјадници одговори, а многумина скокнале во одбрана на новата мајка и го окарактеризирале однесувањето на нејзиниот сопруг како непростливо.
„Штотуку се породивте! Тој кажа нешто сурово, непростливо и погрешно. Мора да се извини и да го промени своето однесување”, изјавило едно лице.
„Доколку навистина ве поддржува, таквите понижувачки изјави треба да ги чува за себе. Бременоста е тешка и секој маж треба да ѝ даде почит на сопругата што ја заслужува. Поради тоа што го направи, дефинитивно не требаше да биде во родилната сала”, додал друг.
„Мажот не знае ништо за телото на жената. Дивеењето на хормоните не завршува со породувањето. Тој ќе мора да се подготви за тоа или ќе замине засекогаш”, предупредува трет, додека четвртиот се пошегувал: “Се породив пред 10. години а хормоните сè уште ми дивеаат“.
Фото: Илустрација
