ekran платформа за слободоумни
„Мојот сопруг се обидува да ме убие“, вреснала жената, според судските документи
Жена од државата Вашингтон, која наводно била закопана жива во шумата од нејзиниот отуѓен сопруг оваа недела, успеала да побегне на сигурно од плиткиот гроб.
Заменикот на шерифот на округот Турстон пронашол вознемирена жена која се криела зад барака во двор нешто пред 1 часот по полноќ во понеделник, според изјавата за веројатна причина поднесена во средата во Врховниот суд, пишува NBC.
-Мојот сопруг се обидува да ме убие – вреснала жената, стои во судскиот документ.
Окружен затвор
– Сè уште имаше селотејп завиткано околу вратот, долниот дел од лицето и глуждовите. Имаше големи модринки на нозете, рацете и главата, а облеката и косата и беа покриени со нечистотија, се наведува во документот.
Сопругот на жената, Чае Кјонг Ан, сега се соочува со серија препорачани обвиненија, вклучувајќи обид за убиство од прв степен, киднапирање од прв степен и напад од прв степен, според изјавата за веројатната причина.
Во вторникот му бил одреден окружениот затвор, а за време на прелиминарното сослушување во средата, судијата го одобри барањето на обвинителот да го задржи без кауција, според Обвинителството на округот Турстон.
Кјонг Ан (53) сè уште не е официјално обвинет, соопштиле обвинителите. Неговиот адвокат не бил контактиран за коментар во четвртокот.
Нападната во куќата
Полицијата во Лејси, на околу 60 милји југозападно од Сиетл, одговорила во домот на жената во неделата попладне, откако примиле повик 911 од жена која „вреска“ а која звучела „загушено“, според документот за веројатна причина.
Подоцна жената и изјавила на полицијата дека била нападната во нејзиниот дом откако разговарала со сопругот за нивниот развод и пари.
Според судскиот документ, Кјонг Ан ги врзал рацете на сопругата зад грб со селотејп трака и и’ ги залепил очите, бутовите и глуждовите. Таа им кажала на инспекторите дека можела да се јави на 911 со нејзиниот Apple Watch и испратила итно известување кога тој ја напуштил спалната соба.
Ја одвлекол во гаражата и со чекан и го скршил Apple Watch, се вели во извештајот.
Фото: Принтскрин/NBC
