ekran платформа за слободоумни
БЕШЕ Сабота, 26 февруари 2022 година, третиот ден од руската инвазија на Украина. Светот сè уште беше во неверување дека некој извршил инвазија од ваков размер во Европа, најголем од Втората светска војна.
Русите, откако со месеци го лажеа светот дека не се подготвуваат за војна, два дена претходно, на 24.2, со приближно 200.000 луѓе ја нападнаа Украина од сите страни. Тие незапирливо брзаа кон најголемите градови и многумина тогаш веруваа дека е прашање на денови кога ќе влезат во Киев.
Тоа саботно утро на социјалните мрежи, а потоа и на светските медиуми се прошири снимка од запален облакодер во Киев. Тој беше погоден, како што беше кажано, од руски проектил. Русите подоцна ќе се обидат тоа да го демантираат и за се ќе ги обвинат Украинците.
Типичен облакодер од времето на социјализмот лоциран на авенијата Лобановски во Киев на тој начин ќе стане еден од првите симболи на војната и ужасите кои штотуку почнуваа. Снимката од запален облакодер штотуку погоден со проектил е прва ваква снимка од Европа по опсадата на Вуковар и Сараево.
Како и многумина Украинци, Константин Лишчук не верувал дека може да избие вистинска војна. Во моментот на нападот тој, сопругата и ќерката биле во нивниот стан, во облакодер од 24 ката. Станот го купиле пред неколку години за да може нивната ќерка да има своја соба. Тие го уредувале долго време, а потоа се преселиле на крајот на 2021 година.
„Детето ме праша дали ќе нè погоди проектил. Јас и реков не. Но се случи”, рекол овој сопственик на уништениот стан во јуни.
Today, a Russian missile hit an apartment building in #Kyiv. Over the past 2 days, hospitals, kindergartens and orphanages in #Ukrainian cities have been shelled. We demand from the world a decisive response and isolation of Russia for its criminal acts. #StopRussia pic.twitter.com/RmLVROekTH
— Denys Shmyhal (@Denys_Shmyhal) February 26, 2022
Ноќта пред инцидентот спиеле во ходникот. Жената била нервозна и сакала да спијат во ходникот. Ова е таканареченото правило со два ѕида – мора да има најмалку два ѕида помеѓу вас и надворешноста. Утрото се разбудиле и подготвиле појадок. Тие седеле во ходникот кога проектилот погодил.
„Се сеќавам, точно знаев што ќе правам. Морав да најдам сè. Тоа беше Армагедон“, рекол тој неколку месеци по нападот.
Пожарот избувнал на долните катови. Како што рече, во нападот се повредени 80 жители. Се верува дека немало многу жртви бидејќи многумина биле во засолништа или, како ова семејство, престојувале во други простории кои не биле во надворешните делови на зградата.
По инцидентот неговата ќерка се плашела од бучава. “Тато, се сеќаваш како ми кажа дека проектилот нема да не погоди. Лажеше. Немој да го правиш тоа повеќе”, му рекла таа.
Масовно уништување и брза обнова
Уништувањето беше големо, уништени се становите меѓу 15 и 21 кат. Штетата изнесувала два милиони евра.
Зградата беше повторно изградена за помалку од една година откако беше погодена. Објектот беше реновиран со народни пари, но и со донации кои се собираа со месеци. Сликите пред и потоа беа објавени на официјалната украинска Фејсбук страница.
„Во февруари 2022 година, руска ракета погоди станбена зграда на авенијата Лобановски во Киев, чија потресна фотографија го згрози целиот свет и ги покажа вистинските намери на Русија.
Русија мислеше дека со ова воено злосторство ќе го скршат украинскиот дух и ќе не принудат да се предадеме. Сепак, Украинците продолжуваат да се борат.
Речиси една година подоцна, зградата беше реновирана. Оштетувањето на зградата веќе не е видливо, но лузната е засекогаш во нашите срца. Нека секое ново обновување ги лекува нашите рани и нека стане симбол на нашата нераскинлива иднина“, се вели на украинската веб-страница.
Фото: Twitter
