ekran платформа за слободоумни
Рок ѕвездата, текстописец и пијанист Џери Ли Луис починал денеска на 88-годишна возраст.
Тој починал денеска во својот дом во Мемфис.
Џери Ли Лус бил во лоша здравствена состојба во последните неколку недели и бил принуден да го пропушти приемот во Куќата на славните на кантри музиката на 16-ти октомври.
Џери Ли Луис беше последниот преживеан од генерацијата рок ѕвезди меѓу кои беа Елвис Присли, Чак Бери и Литл Ричард.
Тој беше еден од највлијателните рокенрол уметници во 1950-тите, а од 1960-тите до раните 1980-ти тој исто така уживаше успешна кариера како кантри уметник.
Наречен „Убиец“, тој е опишан како „првиот голем див човек на рокенролот и еден од највлијателните пијанисти на 20 век“, пишува Дејли Мејл.
View this post on Instagram
Пионер на рокенролот и рокабили музиката, Луис ги направи своите први снимки во 1956. година во Sun Records во Мемфис.
„Crazy Arms“ е продаден во 300.000 примероци на југ, но неговиот хит од 1957. година „Whole Lotta Shakin’ Goin’ On“ му донесе светска слава на Луис. Ова го следеше со големите хитови „Great Balls of Fire“, „Breathless“ и „High School Confidential“.
Роден е во Феридеј, Луизијана на 29 септември 1935 година.
Во неговата биографија, тој се сеќава дека научил да свири клавир на 9-годишна возраст, а татко му ја ставил под хипотека семејната фарма за да му го купи првото пијано набргу потоа.
View this post on Instagram
Првиот јавен настап го имал на 14. години, на отворањето на салон за автомобили. Тој посетувал библиско училиште во Тексас, од каде што наводно бил исфрлен поради лош став и несоодветно однесување, вклучително и свирење рокенрол верзии на химни.
Луис потпишал договор за Sun Records во 1956. година, но неговиот скандалозен брак со неговата тогаш 13-годишна братучетка Мира, го загрозил неговиот подем до ѕвезда.
Заедницата – која започнала додека тој сè уште бил во брак со друга жена – била откриена кога Луис тргнал на турнеја во Велика Британија во 1958. година. Турнејата била веднаш откажана и радио станиците одбиле да ги пуштаат неговите плочи.
Двојката се развела во 1970. година. Луис снимил неколку кантри албуми и забележал обновен интерес за неговата кариера кога беше примен во првата класа на Рокенрол Куќата на славните во 1986. година.
View this post on Instagram
Денис Квејд го играше Луис во биографскиот филм Great Balls of Fire! од 1989 година, додека Винона Рајдер ја играше Мајра.
Луис доби Греми награда за животно дело во 2005. година. Тој беше примен во Куќата на славните на кантри музиката на 16. октомври, но беше премногу болен за да присуствува на церемонијата на доделување награди, па Крис Кристоферсон ја прифати наградата во негово име и му ја врачи подоцна.
Фото: Принтскрин/Instagram
