ekran платформа за слободоумни
Една баба од САД на 90-годишна возраст конечно ја земала дипломата во свои раце, дури 71 година откако се запишала во прва година на факултет.
Џојс ДеФау, потоа Џојс Виола Кејн, ја започнала својата бруцошка година на Универзитетот во Северен Илиноис во 1951 година со планови да стекне диплома по економија.
Сепак, тие планови се смениле кога ДеФау го запознала својот прв сопруг во црква, изјавила таа за Си-Ен-Ен.
„Одев на училиште три и пол години, но решив да се откажам откако го запознав“, изјавила Џојс.
Нејзиниот сопруг се викал Дон Фриман Сениор. Двајцата се венчале во 1955 година и имале три деца пред да почине Фримен, оставајќи ја вдовица околу пет години. ДеФау на крајот повторно се омажила за нејзиниот втор сопруг, Рој ДеФау. Заедно имаат шест деца, вклучително и два пара близнаци.
Great grandmother Joyce Defauw graduated from Northern Illinois University at ninety. After putting college on hold to raise her family, she decided to complete her degree after seventy years. @linseydavis reports. https://t.co/wIixdvTF1Y pic.twitter.com/MgHRDFwIMD
— World News Tonight (@ABCWorldNews) December 12, 2022
Со текот на годините нејзиното семејство се зголемило, а таа сега има 17 внуци и 24 правнуци. Во 2019 година, ДеФау покажала интерес за факултетското образование што го оставила зад себе.
„Мислам дека спомнав дека бев вознемирена што не го завршив училиштето и моите деца ме охрабрија да се вратам“, рекла таа, па повторно се запишала на Универзитетот и почнала да оди на часови.
Членовите на нејзиното семејство и дале поддршка, и наместо да оди до кампусот за да посетува настава, таа го направила тоа преку Интернет од нејзината соба.
Returning to NIU in 2019 with her original 1951 student ID in hand, 90yo Joyce DeFauw will walk the stage at this weekend’s commencement, earning her degree seven decades in the making.
For more of Grandma Joyce’s inspiring story, visit: https://t.co/nFhsD9YydE#HuskiePride pic.twitter.com/qEifAQeCjS
— NIU (@NIUlive) December 5, 2022
„Тоа беше мојот прв компјутер“, рекла ДеФау, „моите деца мораа да ме научат како да го користам“.
„Имаше моменти кога сакав да се откажам, но не се откажав“, вели ДеФау, која смета дека и директорката на основните студии, Џуди Сантакатерина, и била од голема помош.
ДеФау земала по еден час секој семестар, вклучително и во текот на летото. Сега, три години подоцна, таа добила диплома за основни студии на Универзитетот.
Таа посочува дека е благодарна што имала можност да се врати на училиште и да ја добие својата диплома: „Убаво е да завршиш нешто што си го започнала“, рекла таа и ги советувала другите: „Не се откажувајте, знам дека може да биде тешко, но сè во животот има свои подеми и падови“.
Фото: Принтскрин/ Twitter
