(ВИДЕО+ФОТО) Најдобрите пријатели изградиле населба за да можат заедно да остарат

Четири пара кои се пријатели 20. години, одлучиле да изградат мало гратче само за себе за да можат да живеат едни до други, а воедно да бидат и во природа.
Нивната населба, наречена Llano Exit Strategy, содржи четири малечки куќи близу реката Лиано вон Остин во Тексас. Самоодржливите и еколошки куќички ги дизајнирал архитектот Мат Гарсиа, а секоја од нив чини 40.000 долари. Имаат наведнати кровови со буриња за вода, односно дождовница, посебно изолирани прозорци и рефлектирачки ѕидови кои се осмислени така да ја чуваат куќата од големите летни горештини.

Llano Exit Strategy cabins at night. Great site planning @BossePlanning pic.twitter.com/nhGSauXV

— Matt Garcia Design (@MattGarciaDesig) January 22, 2012

Интериерите се изработени од шперплочи, што ги намалува трошоците и на куќите им дава топол и простран впечаток. Секоја куќичка има просторија со брачен кревет и кауч, бања и тераса.

„Тука ни е како во филм на Дизни, гледаме разни животни и колку почесто сме тука повеќе ги откриваме“, опишала за Bored Pandu, Џоди Зип, една од жителките.

Паровите минуваат што е можно повеќе време во своите новоизградени куќи, а тука планираат да ја минат и пензијата и да остарат заедно. Бидејќи паровите сеуште не го минуваат сето време тука, куќичките е можно и да се изнајмат преку Airbn.