Веста за смртта на легендарниот фудбалер Пеле го потресе светот, а приказната за тоа како славниот Бразилец му го скршил прстот на познатиот актер Силвестер Сталоне стана вирална.
Фудбалската легенда Пеле и го скршил прстот на познатата холивудска супер ѕвезда Силвестер Сталоне со шутирање на неговиот пенал на снимањето на филмот „Бегство до победа“.
Филмот е од 1981 година, за група сојузнички затвореници кои играат фудбалски натпревар против нацистички тим, во кој глумеа Сталоне и Пеле.
Додека го промовираше својот филм Grudge Match, објавен во 2013 година, Сталоне ја раскажа неверојатната приказна за тоа како Пеле му го скршил прстот со топка.
„Каков удар добив. Сè уште имам скршен палец од обидот да го блокирам пеналот на Пеле. Носеше пар копачки од Втората светска војна, кои имаа челични врвови, а топката беше како топовско ѓуле. Беше двојно подебела и тешка од денешната фудбалска топка“, изјавил Сталоне.
Познатиот актер изјавил дека Пеле му најавил каде ќе го шутира пеналот, но дека не успеал да одбрани.
„Дојде да го изведе пеналот и ми соопшти точно каде ќе шутира. Стоев таму, но топката сепак заврши во голот, а јас немав време да се движам“, додал Сталоне.
Пеле, кој почина синоќа на 83-годишна возраст во болница во Сао Паоло, во неколку наврати во текот на животот нагласил дека гледањето на тој филм го наведувало на солзи.
Фото: Принтскрин/YouTube