ekran платформа за слободоумни
По седум години брак со македонскиот кошаркар Александар Димтровски, пејачката Тамара Тодевска решила да стави точка на нивната љубовна приказна. Како што вели и самата, одлуката не ја донела преку ноќ, а денес е среќна што конечно може повторно да здивне, открила за „Гранд магазин“.
Нејзината најнова песна „Нијагара“ е создадена во моментот на нејзината најголема тага, но и пресвртот што и се случил во животот.
– Во тој „кафез“ бев многу долго, живеев во агонија, се’ се претвори во чума, па тие зборови излегоа од мене од некој гнев. Додека пишував ми се врати она што ми се случи во претходниот период. Решив да го направам првиот чекор и да излезам од тој кафез и да им кажам на луѓето дека е лесно, ако навистина го сакате тоа. Ова е за сите што имале проблем со говорот на омраза, за сите кои некогаш биле разочарани, погрешно етикетирани, имале безизлезна ситуација – рекла Тамара и се допрела до неодамнешниот развод.
View this post on Instagram
-Официјално се уште сум во брак, но повеќе не живееме заедно. Во одлични односи сме, имаме две деца и подобро се сложуваме отколку кога бевме во брак. Одлично е тоа што го направивме еден за друг – истакнала пејачката која по разделбата од сопругот имала голема поддршка од семејството и пријателите.
– За се има излез, само треба да верувате. Не излегов сама од тоа, тука се пријателите, родителите, психолози, не се срамам од тоа. Најважно од се е што излегов од тој кафез – заклучила Тамара, чие гостување во емисијата „Гранд Магазин“ можете да го погледнете во видеото подолу.
Фото: Принтскрин/ YouTube
Извор: Grand magazin
