ekran платформа за слободоумни
СОЦИЈАЛНИТЕ медиуми се преплавени со фотографии од мистериозен маж во килт кој чекорел зад кралот Чарлс со почесните пажови, а сите се прашуваат кој е тој.
View this post on Instagram
Високиот и темнокос мајор Џони Томпсон бил избран за најжешко момче на крунисувањето на кралот Чарлс и стана хит на социјалните мрежи, а неговата улога е многу важна.
Major Johnny Thompson, looking hot af. ❤️🔥😂 pic.twitter.com/aD3QUYb9ym
— NomoreUD (@NoMoreUD) May 6, 2023
Десна рака на кралот
39-годишниот мајор неодамна станал личен придружник на кралот Чарлс. И не, тој не е негов батлер или слуга, туку десна рака и потпора на кралот во сите важни ситуации.
Тој е човекот кој внимава да се почитува дневниот распоред на Чарлс, а исто така е негов телохранител и помошник кој се грижи за состојбата на возниот парк и пречекува важни гости, како што беше украинскиот претседател Владимир Зеленски, кој ја посети Бакингемската палата во февруари.
Неговата улога во церемонијата на крунисување беше исто така од големо значење. Мајорот, всушност, се погрижил момчињата од кралското семејство во улога на пажови да направат сè по протокол, а освен тоа, мајорот бил задолжен да му помогне на Чарлс да си ја соблече наметката за да биде крунисан.
View this post on Instagram
Долга историја со Виндзори
Иако многумина само што го забележаа, мајорот има долга историја со Виндзори. Дипломирал економија и меѓународна политика, по што се приклучил на војската и станал офицер во 2006 година. Тој е вработен во кралското домаќинство и офицер на гардата на кралската палата.
Тој редовно ја придружувал кралицата Елизабета во нејзиниот замок Балморал и одиграл важна улога на нејзиното збогување, по што станал личен придружник на Чарлс.
View this post on Instagram
За жал, на големо разочарување на многу обожавателките, мајорот е оженет. Тој е 13 години во брак со сопругата Каролин, која е експерт за маркетинг, а имаат четиригодишен син.
Фото: Принтскрин/Instagram
