(ВИДЕО) Полицајка физички заштитила дете од налет на автомобил на пешачки премин

Благодарение на надзорната камерата можеме да бидеме сведоци на херојскиот чин на полицајка.
Благодарение на нејзината пожртвуваност и рефлекси, полицајката од Мериленд, Анет Гудјер го спасила детето од налет на автомобил. „Не носат сите херои наметки, некои од нив носат и кабаница“, пишуваат многу медиуми за херојскиот чин на полицајката.
Како што се гледа на снимката, полицајката во последен момент забележала автомобил кој возел брзо. Имала доволно време да го одведе ученикот на безбедно.
За жал, потегот ја довел во опасност и автомобилот удрил во неа. Неколку минути по ударот, полицајката станала. Таа била пренесена во болница, каде и биле констатирани само полесни повреди, па веднаш била пуштена.
„Со аголот на моето око видов само заматување“, изјавила полицајката Гудјер за The Washington Post.

Судејќи по снимката, возачот не ја прилагодил брзината, па бил принуден нагло да ја притисне сопирачката. Тркалата се блокирале и автомобилот буквално се лизнал до зебрата, удирајќи ја полицајката. На видеото се гледа дека возачот излегол од автомобилот и веднаш тргнал да ги провери полицајката и детето.
Иако се работи за немил настан во кој, за среќа, нема посериозно повредени, возачот добил повеќе сообраќајни прекршоци, меѓу кои и несовесно возење.

Фото: Принтскрин/YouTube