ekran платформа за слободоумни
Работата на првиот подводен кружен тек, под Северниот атлантски океан, е завршена, како дел од проектот на изработка на тунел долг 11 километри под дното што поврзува 2 од 18-те Фарски острови.
Кружниот тек наскоро ќе биде пуштен во употреба и не само што ќе се користи за сообраќај, туку необичниот инженерски потфат е украсен и со инсталација од локалниот уметник Трондур Патурсон.На својата најдлабока точка, тунелот Еисторојар лежи на 189. метри под нивото на морето.
Во 2014. година, Парламентот на Фарските Острови ги одобри плановите за изградба на тунел што ќе го поврзува главниот град Торшавн со две места на островот Еисторојар – Рунавик и Стендур.
Тунелот ќе го скрати растојанието помеѓу Торшавн, кој се наоѓа на најголемиот и најнаселен остров Стрејмор, од две села на островот Еисторојар од 55. на 17. километри.
Времето на патување ќе се намали од еден час на 16.минути.
Вториот тунел е исто така во изградба и ќе ги поврзува островите Стрејмој и Сандој. Тунелскиот систем е најголемиот инфраструктурен проект во историјата на Фарските Острови и се планира да заврши до 2024. година.
Вредноста на работите на двата тунела се проценува на 265. милиони долари.
Работите на тунелот кон Еисторојар се планира да завршат до почетокот на 2021. година, но тие беа завршени пред крајниот рок, па затоа ќе биде отворен на 19. декември, кога ќе поминат сите безбедносни проверки.
Што се однесува до вториот тунел, околу 60 проценти од работата за дупчење е завршена.
