Корисник на „Тикток“, претставувајќи се како Seattle Tech Bro, на 11. мај на својот профил на ТикТок објавил видео на кое зборува за финансиите, но корисниците забележале нешто друго, а тоа била грутка на неговиот врат. Во коментарите му дале до знаење дека тироидната жлезда му е отечена и дека треба да посети лекар.
@seattletechbroMinus the shorts this was a pretty reasonable day! What are you curious about? #finance #techtok #honeycrispapples 😂
По загрижувачките коментари, човекот го посетил својот лекар и му бил дијагностициран рак на тироидната жлезда.
„Имав две опции. Можев да ја отстранам целата тироидна жлезда или само делот погоден од ракот”, рекол тој, откривајќи дека го избрал второто.
Сега се опоравува и истакнува дека има потешкотии да зборува, поради што поретко ќе објавува содржини на Тикток.
@seattletechbroso yeah that was a wild experience #cancer #tiktok
Тироидната жлезда е жлезда која обично е обвиткана околу душникот и произведува хормони кои го регулираат метаболизмот во телото, бројот на отчукувањата на срцето, температурата на телото и нивото на калциум, наведува The Cancer Treatment Centers of America (CTCA).
Според CTCA, ракот на тироидната жлезда нема многу симптоми во раните фази. Некои од нив се отечена жлезда во вратот, засипнатост, замор и кашлица која не исчезнува. Иако 25. од 100. луѓе имаат јазол на тироидната жлезда, само пет проценти од случаите излегува дека се малигни.
Ракот на тироидната жлезда денес се лекува многу добро и повеќето пациенти нормално се враќаат во живот со хормонални додатоци.
Фото: Принтскрин/TikTok