ekran платформа за слободоумни
– Со своите фанови на Фејсбук ги споделуваш сите свои „доживувања“ како да сакаш „потполно да се соголиш“ пред нив?
Се се тоа мои пријатели. А врвната релација со пријател е слободата. И воопшто со животот. Тоа е само слобода на израз.
– Мора да се забележи дека секоја твоја песна, видео се сериозно работени, како да внимаваш на секој тон, збор. Може ли да се каже дека тоа е дел од твојата личност – се’ да биде како што треба?
Не само јас. Сите ние кои сме дел од тоа. Фала за таквиот благослов. И не одговорно е да биде поинаку.
– Јовче Пандев е често на сцената, не одбиваш ниту хуманитарни настани на кои многу твои колеги ретко се присутни?
Тоа е личен избор и благородно чувство на задолженост.
– Оваа година со „Афродизија“ си и меѓу кандидатите на наградата „Милан Младеновиќ“. Како реагираше кога дозна за тоа?
Еее… многу убаво ми дојде. Се зарадував. Тоа е просто, златен простор за секој директно да стигне до уважување на трудот.
– Ќе настапиш на „Дојран рок фест 2022“ – дали е тоа уште еден предизвик на македонската публика да и се донесе квалитет и да и се помогне во одвојувањето од кичот кој „не гуши“ со децении?
Тоа е пред се одговорност и ни е многу мило што не поканивте. Секако, секаква ваква иницијатива дава допринос за враќање во културолошка нормалност.
– Неодминливо прашање е присутноста на македонските радија но и тв канали во провомирањето на македонската музика. Нема емисии, нема македонска музика – не е ли време на еден начин да се обедините и да направите притисок бидејќи на мак тв канали македонска музика може да се слушне само „кога сите спијат“?
Ваквите проблеми се решаваат со разум и доблест. Додека стигнеме до таму, треба директно да посочиме кај е проблемот. Со прст и гласно говорење.
Г.О.
Фото: Принтскрин/YouTube
