ekran платформа за слободоумни
Хју Џекмен го коментирал „Интервјуто на Деценијата“ на Опра Винфри со принцот Хари и неговата сопруга Меган Маркле и давал совети на секој што размислува за самоубиство.
Актерот изјавил дека милиони вчера гледале „со воодушевување“ како „жена со висок профил“ и нејзиниот сопруг „отворено, храбро, искрено и достоинствено“ зборуваат за најтешките моменти од нивните животи.
Тој особено се осврнал на нарушеното ментално здравје на оваа двојка, како и на признанието на Меган Маркле дека имала самоубиствени мисли.
Како што наведува во видеото што го објави на својот Инстаграм профил, „кога некој ќе побара помош, ние мора да ги слушаме“, и тој истакнал дека секогаш треба да се бара помош.
View this post on Instagram
„Синоќа мислев дека сите треба да го видат ова, секогаш барајте помош, не сте сами. Дури и кога не ќе ја пронајдете веднаш, одете на друго место, продолжете да ја барате, помошта секогаш е тука некаде”, рекол Џекмен, кој е во ѕправен одбор на организација која се бави со превенција на самоубиства.
„Ви благодарам, Меган и Хари, за вашата храброст“, заклучил Џекмен.
Принцот Хари и Меган Маркле ја разбрануваа светската јавност со интервјуто со Опра Винфри во кое тие презентираа шокантни причини зошто го напуштиле кралското семејство.
Фото:Принтскрин/Instagram
