ekran платформа за слободоумни
Првата дама на САД, Меланија Трамп, ја покренала кампањата „Биди најдобар“ која за цел има на децата да им се укаже на важноста на друштвеноста, емотивното и физичкото здравје.
Иницијативата е усмерена кон промовирањето на здравиот начин на живот, користењето на социјалните мрежи на позитивен начин и борбата против злоупотребата на опиодите, рекла Меланија Трамп.
„Морален императив на нашата генерација е да преземе одговорност и да им помогне на децата“ истакнала сопругата на американскиот претседател.
Агенциите тврдат дека Доналд Трамп ја поддржал кампањата на својата сопруга и дека на крај на говорот ја бакнал во образ.
Говорот на сопругата Трамп го нарекол „прекрасен и искрен“.
