(ВИДЕО) Џими Фалон запеал караоке со робот: Ова е прв човечко-роботски дует во историјата

„Сакам да пеам караоке користејќи го својот АИ глас“ му рекла на Џими и тогаш заедно ја запеале „Say something” од Кристина Агилера
Дури и ако не ја следите техниологијата и не сте некој љубител на роботиката, веројатно сте слушнале за роботот Софија која дава интервјуа за медиуми, ја тешела Ангела Меркел по испаѓањето на Германија од СП во фудбал, верувале или не, има и државјанство на Саудиска Арабија.
Софија неодамна се појавила во емисијата „The Tonight Show“ на Џими Фалон посветена токму на роботите.

Малку разговарала со популарниот водител, се пофалила со недамнешните патувања и активности и открила свој нов талент – благодарение на новата алатка базирана на вештачката интелигенција, овој робот сега може да пее и караоке.
„Сакам да пеам караоке користејќи го својот АИ глас“, му рекла на Џими и тогаш заедно ја запеале „Say something” од Кристина Агилера.
Како звучи овој дует можете да слушнете во приложениот видеозапис (од 6,55 минути) а не е тешко да се заклучи дека Софија и Џими Фалон не треба да размислуваат за музички кариери бидејќи не би оствариле никаков успех.