96-годишна жена обвинета за нацистички злосторства за време на Втората светска војна ќе се појави пред судот за малолетници во септември, бидејќи за време на злосторството имала 18. години.
Ирмгард Фурчнер е обвинета за помагање во убиството на 11.430 затвореници во концентрациониот логор Штутхов за време на Втората светска војна, објави Miror..
Во тоа време, таа работела како секретар на логорот кај командантот Пол-Вернер Хоуп.
Фурчнер сега живее во дом за стари лица во Квикборн, близу Хамбург, но ќе мора да се појави пред судот за малолетници во регионалниот суд во тој град на 30. септември.
Според обвинението, „како дактилографка за командантот на концентрациониот логор, таа е осомничена дека им помагала на врховните команданти во убиството на затворениците помеѓу 1943. и 1945. година“.
KZ Stutthof: Sekretärin des Kommandanten muss sich vor Gericht verantworten – warum das wichtig ist https://t.co/9YvNjRpRBN
— SPIEGEL Ticker (@SPIEGEL_alles) July 16, 2021
Нацистите убиле околу 65.000 луѓе во Штутхоф и неговите поткампови во близина на Гдањск, Полска, сè додека Советската црвена армија не влегла и не ги ослободила затворениците во мај 1945 година.
Жртвите, вклучително и Евреи, Полјаци и други воени заробеници, биле труени и фрлани во комори за гас, застрелани или добивале смртоносни инјекции.
Многумина починале од болести и глад.
Додека работел во логорот, Фурчнер, чие моминско презиме е Дирксен, се запознала со нејзиниот сопруг, член на СС дивизијата, Хајнц Фурчнер, наведува британскиот весник.
Фото: Илустрација