ekran платформа за слободоумни
Во која фаза сте вие и вашиот партнер?
Многу студии кои се занимаваа со темата „љубов“ дошле до заклучок дека секоја врска поминува низ пет фази, но дека многу парови остануваат заглавени во третата, по што обично раскинуваат.
Меѓутоа, оние кои ја надминале таа кризна трета фаза, тоа е знак дека имаат вистинска љубов и сроден дух до себе, и во повеќето случаи остануваат заедно до крајот на животот.
Ова се фазите низ кои поминува секоја романтична врска.
1. Вљубување
Првата фаза е заљубување, при што дури и при самата помисла на таа посебна личност, во стомакот се чувствуваат „пеперутки“. Тогаш обично фантазирате за вас како двојка и за заедничка иднина.
Во оваа фаза, која е релативно пократка од другите, убедени сте дека овој маж или жена се вистинската личност за вас.
2. Сега сте официјално двојка
Во оваа фаза, доаѓа период на романса, но и состанување. Имате чувство дека засекогаш би можеле да бидете во прегратките на партнерот и дека никогаш нема да ви биде здодевно.
Ова е исто така период на заедништво и среќа, почеток на заеднички живот, брак, создавање семејство. Сето ова може да потрае некое време, а потоа доаѓате до фаза број три, кога ќе се појави криза.
3. Соочување со реалноста
Ова е фазата што предизвикува распаѓање на многу врски и бракови. За време на тоа, илузиите исчезнуваат, а потоа се соочувате со реалност која ќе ви изгледа посурова отколку што навистина е. Ќе сфатите дека вашиот партнер е личност од месо и крв, дека има недостатоци и мани.
