ekran платформа за слободоумни
Во Јавна Соба се одржа премиерата на мултимедијалниот, театарски перформанс “Пауза за реклами”. Станува збор за монодрама на Никола Кузелов низ која се преплетуваат филмски и музички форми.
“Пауза за реклами” е авторски текст на Никола Кузелов кој говори за смислата на живеењето и погледот на светот низ призмата на човек кој знае дека умира. Авторот го споредува животот со кратка пауза за телевизиски реклами, алудирајќи на човекот како жртва на конзумеризмот и капитализмот за време на своето постоење, како и за забранетото задоволство кое не прави среќни.
Режисерскиот печат го потпишува Марјан Гавриловски, а Валентин Видовиќ стои зад оригиналната музика која ја изведува во живо на гитара, флејта и тарабука.
Проектот е подржан од Министерство за култура, а следните изведби се очекуваат во Септември.
