Дебарскиот доктор Арбен Аголи, кој е заразен со коронавирус, синоќа со линковско вклучување се обрати на ТВ21. Тој рече дека немал никакви симптоми, и дека се тестирал поради тоа што бил во контакт со лица заразени од коронавирусот, кои биле кај него на преглед.
Тој упати апел до сите граѓани на земјата.
„Упатувам апел до сите кои по било која основа имале контакт со заболено лице, да се јават во Институтот за јавно здравје, да се проверат. Ако се позитивни, да се изолираат и со тоа ќе придонесат други лица да не се инфицираат“, рече Аголи.
Доктор Аголи истакна дека луѓе од цела Македонија му се јавиле да му дадат поддршка, за што јавно им се заблагодари.