„Со голема тага ја примивме веста за заминувањето на нашиот долгогодишен соработник и пријател, Стефан Георгиевски.
Стефан беше вреден и посветен конзерватор кој се грижеше за колекцијата на Музејот во периодот од 1981 – 2016 година.
Почивај во мир драг колега, ти благодариме за се што научивме од тебе!“ објави Музејот на современа уметност во Скопје.
Георгиевски завршил Академија за ликовни уметности 1975 година во Љубљана, а потоа магистратура и докторат во Холандија. Тој беше еден од најталентираните уметници, а неговото вечно заминување е голема загуба за македонската уметност.