Отворање на изложбата на слики и графики од студентите на Факултетот за уметност и дизајн на Меѓународниот Балкански Универзитет денес во МКЦ

Денес во Галеријата на Младинскиот Културен Центар во Скопје, со почеток во 19:00 часот, ќе биде отворена изложбата на делата на студентите од Факултетот за уметност и дизајн при Меѓународниот Балкански Универзитет.

Изложбата претставува одбележување на соработката помеѓу двете институции и нивниот придонес во културната и социјална едукација на младите. Студентското претставување пред пошироката јавност ќе ги прикаже нивните креативни, иновативни и уметнички способности преку негувањето на традиционалните ликовни дисциплини како што е цртежот, графиката и сликарството.

Оваа иницијатива ги поддржува младите уметници да продолжат да ги градат своите креативни идеи, како и одлична можност да се сретнат со публика и критика надвор од образовниот процес. Со тоа им се овозможува реална пракса и поблиска интеракција со нивната идна професија. МКЦ отсекогаш претставувал простор за стимулирање на младата публика кое е од големо значење за формирањето и влијанието на културниот развој во заедницата.

Изложбата е отворена до 14 мај 2024 година.